VOV4.M'nông: Tât kêng măng 17/9, Lâm Đồng năl geh 272 nuĭh ntưp Covid-19, tâm nê geh 228 nuĭh hŏ dơi săm bah n'hanh sĭt bah nhih dak si. Tâm 272 nuĭh ntưp Covid-19 dơi năl ntưp ta n'gor Lâm Đồng, geh lơn âk ntưp bah tơm nuh srê ta Nhih máy Sợi Đà Lạt n'hanh ăp nuĭh ƀĭt ndeh, groi nuĭh ƀĭt ndeh rdeng ndơ hăn rlău ăp n'gor. Tâm nê, nkual ƀon têh Đà Lạt geh rnoh nuĭh ntưp dŭt âk 162 nuĭh, lôch nê lah nkuâl Đơn Dương 45 nuĭh n'hanh nkuâl Đức Trọng 27 nuĭh. Ăp nkuâl Bảo Lâm, Cát Tiên, Lâm Hà dơn năl geh 1 hê nuĭh ntưp dơm. Êng Lạc Dương lah du nkuâl mô hŏ geh du hê nuĭh ntưp Covid-19. Lơn lah, tâm rnoh ăp nuĭh ntưp Covid-19 ta Lâm Đồng hŏ dơi săm bah n'hanh sĭt bah nhih dak si. Aƀaơ dơn hôm 44 nuĭh dôl săm ta Nhih dak si Nhi Lâm Đồng n'hanh 2 nkuâl Đơn Dương, Đức Trọng./.

Nuĭh rblang: Điểu Thân