VOV4.M'nông: Groi Thủ tướng Vũ Đức Đam hŏ ký an dŏng bôk nău kan Nkoch trêng mpeh tâm ban bu ur bu klô năm 2030. Aơ lah lor bôk năp Việt Nam geh du bôk nău kan nkoch trêng êng mpeh tâm ban bu ur bu klô đah nău uănh jong tât năm 2050. Bôk nău kan ndơ̆ ŭch rnoh tât năm 2025, lĕ rngôch ăp n'gâng kan, ăp n'gor rdâk njêng trong nchrăp an ƀư nău kan khay kan an ma tâm ban bu ur bu klô n'hanh njrăng, n'gang rdâng lơh đah nău tâm lah tâm janh nsing ta nău tâm ban bu ur bu klô ăp năm. Nsrôih tât năm 2030 gĭt êng mpeh tâm ban bu ur bu klô bah ăp rmôt nuĭh tâm ƀon lan ntơm bah 10-15% rđĭl đah năm 2025. Nsrôih tât năm 2025 geh dŭt đêt 70% nhih pah kan nkoch trêng nău lư rlong dŏng n'hanh tât năm 2030 geh 90% nhih pah kan nkoch trêng nău lư tơm dŏng nkôp rnoh mpeh nău bu ur bu klô nkoch trêng. Tât năm 2025 geh 95% n'hanh tât năm 2030 geh 100% ăp nkô̆ nău tâm ton, nău way bah ƀon lan hŏ dơi uănh an dŏng mô geh nău tâm mưch rmot mpeh bu ur bu klô. Ăp năm, ăp nhih pah kan, ăp mpôl kan, ăp doanh nghiệp n'hanh nuĭh ƀon lan dơi nkoch trêng, mbơh gĭt jru hvi, pơk uănh gĭt nău lư mpeh pháp luật, trong kơl mpeh tâm ban bu ur bu klô dŭt đêt 2 tơ̆./.  

Nuĭh rblang: Điểu Thân