VOV4.Mnông- Ƀư tay bôk nău kan ta rơh rƀŭn nchră tal 2, Quốc hội 4, ôi aơ 29/10, Quốc hội tâm nchră trực tuyến mpeh nău nchrăp Luật tăch rgâl bảo hiểm mhe rgâl. Ăp đại biểu an lah, luật rgâl mhe an geh tâm ban đah ăp ding pă an n’hanh mpeh dŏng bảo hiểm, mât đăp mpăn tâm ban, kloh rjăp. Tĭng nĕ, ăp đại biểu an lah, nkô̆ ŭch bâh rvăt bảo hiểm lah gay ma trok an ăp nău roh jot, ndâk nsơm nău khuch khat lah geh. Yor nĕ, ta meng nău mât nău geh ueh n’hanh nău tât khuch an doanh nghiệp tăch bảo hiểm, nău nchrăp luật tăch rgâl bảo hiểm an geh uănh khlăy tât di nuĭh rvăt bảo hiểm,  nuĭh dŏng bảo hiểm...Ăp đại biểu Quốc hội lĕ dăn đă chính phủ an uănh nđôi tay, tâm di đah nău ŭch dŏng ntŭk tăch rgâl bảo hiểm, nđâp ma bảo hiểm nhân thọ n’hanh mô di nhân thọ, bảo hiểm n’hanh bảo hiểm tay.

Tâm nar aơ đŏng, Quốc hội tâm nchră ta rmôt mpeh: Nău nchrăp pah kan njêng tay n’gâng kan wăng sa lvang năm 2021-2025, nchrăp dŏng neh ntu ngih dak rơh năm 2021-2030, mpŏng uănh tât năm 2050 n’hanh nău nchrăp dŏng neh 5 năm 2021-2025.

       Nuĭh rblang: Thị Đoắt