VOV4.Mnông-Lah na nê̆ ta rơh rƀŭn nchră mbơh nău ăp khay dŭt năm n’hanh nău mbơh mpeh ntrong nchrăp kan ntrôl pah kan jan sa tăch rgâl ăp khay dŭt năm 2021 n’hanh mpŏng tât năm 2022 geh ƀư ôi nar 5/10 ta Hà Nội. Groi kruanh n’gâng kan tuch tăm mât rong n’hanh hun hao ƀon lan Phùng Đức Tiến an gĭt, mât rong n’hanh tui ka lah 2 ntrong kan hôm nha rmeh kan gay ma n’gâng kan tuch tăm mât rong mât nău hun hao tâm năm aơ. 9 khay ba năp n’gâng kan tuch tăm mât rong hôm nha an saơ nău kan n’gâng tơm bâh nău wăng sa, mât hun hao 2,274%, prăk geh tăch ndơ an dak bah dih ndơ tuch tăm si đar tui ka nchroh geh 35,5 rmen đôlar Mỹ, hao 17,7%. Gay ma mât đăp mpăn pă ndơ sông sa, dak ngêt ăp khay dŭt năm, ngăn lah ta rơh tết Nguyên đán Nhâm Dần 2022 n’hanh kơl nău tăch an dak bah dih, n’gâng kan tuch tăm lĕ geh uănh năl 4 rmôt ntrong kan. Tĭng nĕ, rgum ntĭm leo, tăch rgâl an tâm di đah nău tât bâh trôk nar, nău tât bâh mih sial, nuh srê Covid-19 ta ăp n’gor, nkuăl ƀon têh, doh rklaih ăp nău kŏ văk ntrôl dăng ăp nău pah kan mbơh tăch rgâl lam ntur neh nta nău dơh nơih an nău tăch rvăt ndơ tâm dak n’hanh ntrôl an tăch ndơ dak bah dih. Nkre lah n’hao ăp ntrong kan njrăng, rdâng nău tât bâh mih sial an săk rnglăy.

Nuĭh rblang: Thị Đoắt