VOV4.Mnông- Kêng măng nar 28/9, groi Thủ tướng Vũ Đức Đam, rmôt pah kan têh khlăy bâh Chính phủ ƀư tĭng nău kan njrăng, rdâng Covid-19 rƀŭn nchră trực tuyến đah 19 n’gor mpeh ba dâng, du đê̆ n’gor Tây Nguyên, Nam Trung Bộ mpeh nău tâm rgop tay na nê̆ gay ma mât njrăng nuh srê.

Groi Thủ tướng Vũ Đức Đam pah kan đah 19 n'gor, nkuăl ƀon têh mpeh ba dâng.

Ta rơh rƀŭn nchră, ndơn kan an nkuăl ƀon têh Hồ Chí Minh n’hanh ăp n’gor Bình Dương, Đồng Nai, Long An ŭch vơt nuĭh ƀon lan ta ăp n’gor êng plơ̆ sĭt tay pah kan, nkre lah dăn đă nŭh pah kan dôl gŭ ta ntŭk aơ gŭ tay ta nĕ. ăp ntŭk aơ tâm ton mât đăp mpăn nău rêh jêng, chuh vačcine an ƀon lan n’hanh ơm ngăch ndâk nsơm nău pah kan, pă nău kan đăp mpăn an ƀon lan. Nuĭh leo kan ăp n’gor hôm e lah na nê̆ an geh tâm kơl kan mbro, tâm rgop na nê̆ đah nkuăl ƀon têh Hồ Chí Minh, Đồng Nai, Long An tâm nău kan njrăng rdâng nuh srê. Tĭng ndơn lan bâh n’gâng kan dak si, bol ma nkuăl ƀon têh Hồ Chí Minh, Bình Dương, Đồng Nai, Long An geh rnoh chuh Vaccine tal 1 âk yơn lah nuĭh lĕ geh chuh hôm nha geh ntưp nuh srê đŏng, ntưp trêng an nuĭh êng. Yor nĕ, nău hăn nsong bâh nuĭh ƀon lan ta nkuăl ƀon têh Hồ Chí Minh, Long An, Bình Dương, Đồng Nai sĭt ta ăp ntŭk êng an geh mât njrăng, an gŭ nkhah êng tĭng nău ntrŭng.

Nuĭh rblang: Thị Đoắt