VOV4.M’nông: Mih mro tâm ăp nar rlau aơ hŏ ƀư rluh neh, băm du đê̆ trong hăn ndrel lip âk ntŭk tâm n’gor Dak Nông. Ngăn lah, tâm nkuăl Krông Nô, trong tỉnh lộ 4B, trong rlet xã Quảng Phú mro geh âk ntŭk rluh neh tâm tâm ăp yôk mpeh meng trong, lơh jêng nau khuch roh đăp mpăn. Quốc lộ 28, rlet bah thôn Phú Thuận, xã Quảng Phú geh dak lip băm jru. Dak lip hao prêh hŏ ƀư lip nkuăl êp ntung Dak Sôr, xã Nam Xuân.

Tâm nkuăl Dak Glong, tâm trong hăn xã Dak Som, Dak R’măng, trong ƀon B’Dơng, xã Dak Som, geh rluh jong rlau 60m. Nau rluh neh trong geh âk ndrel mra lŏ geh ntŭk rluh tay. Tâm ntŭk dak lip, rluh neh, ăp nkuăl bah n’gor Dak Nông hŏ pâng ntŭk nkah mbơh, pă rmôt ƀư nau kan kâp njrăng, ntĭm nŭih, ndeh hăn ro ân ueh. Rmôt kan hŏ nchrăp kơp uănh ăp nkuăl mra geh dak lip băm, rluh neh, mra ƀư nau kan ntrơn leo ƀon lan gay đăp mpăn lơn./.

Nŭih rblang: H’Thi