VOV4.M’nông – Ta rơh rƀŭn Văn phòng rnâng kan Ban ntĭm rđău ngih dak mpeh njrăng n’gang trôk nar mpeh rdâng n’hach geh ôi nar 7/10 ta Hà Nội, wa Trần Quang Hoài, Groi kruanh ban ntĭm rđău Ngih dak mpeh njrăng n’gang trôk nar lơh nkoch kloh, ăp ntŭk an ƀư trong nchrăp na nê̆ an nău trơn nuĭh ƀon lan, nkre đăp mpăn njrăng n’gang trôk nar n’hanh njrăng n’gang srê. Tĭng nĕ, ăp ntŭk ndăn kuăl jă duk mpan luh nkual ntêt nkri bah n’hach geh jêng phŭt; uănh nđôi nu nău n’hach n’hanh nchrăp ăp trong mkra rnôk joi kơl nău geh mô uĕh. Tâm trong ƀư trơn nuĭh ƀon lan ăp ntŭk an uănh khlay trơn ta ntŭk. Rơh mih dak lip aơ dơi geh nkhah êng tă bah dak băm yor rĭ an đăp mpăn ndơ sông sa, dak ngê an nuĭh ƀon lan, dêr nău geh bah trôk nar nuĭh ƀon lan geh nău mô tŏng ndơ ngêt sa.

Nŭih rblang: Y Sưng Phê Ja