VOV4.M'nông: Ta rơh hop báo bah Ƀan rđău đă njrăng n'gang nuh srê COVID-19 ƀư kêng măng 1/11, ntơh măt Sở Y tế nkual ƀon têh Hồ Chí Minh lah rjăp, nău chuh n'gang vaccine an kon se ntơm bah 12 - 17 năm deh ƀư lhăt tĭng nău an bah Bộ Y tế, mô dơi chuh an kon se ta nâm 12 năm deh.

Wa Trịnh Duy Trọng, Kruanh jrô kan chính trị tư tưởng, Sở Giáo dục – Đào tạo nkual ƀon têh Hồ Chí Minh an gĭt, aƀaơ hôm 236 ntŭk kan ntĭm nti dơi manh dŏng gay njrăng n'gang nuh srê COVID-19 mô hŏ dơi mplơ̆ tay. Nchrăp tâm khay 11/2021, lĕ rngôch ăp ntŭk bah lơ nê dơi mplơ̆ tay. Geh tât nău lư du đêt nhih nti bonh đă me bơ̆ an chuh n'hŭch rnoh dak si đah kon se nti jrô 6 mô hŏ tŏng 12 năm deh gay tât nău dơi nkrum lam, bác sỹ Nguyễn Hồng Tâm, Groi Giám đốc Ntŭk rgum mât kân kop ji nkual ƀon têh Hồ Chí Minh an gĭt, nău chuh an rơh năm deh dja ân tĭng trong ntĭm nti bah nuĭh tơm njêng n'hanh Bộ Y tế.

Nuĭh rblang: Điểu Thân