VOV4.M'nông: Ta năp nău tât krit nji bah nuh srê Covid-19 đah âk nuĭh năl geh ntưp tâm ƀon lan ta n'gor Dak Lak, ôi (27/10) mpôl bác sĩ bah Nhih dak si Chợ rẫy hŏ tât Dak Lak gay ntop kơl rdâng lơh nuh srê Covid-19.

Tâm ôi bôk năp rnôk hăn tât Dak Lak, mpôl pah kan bah Nhih dak si Chợ Rẫy hŏ geh rơh pah kan đah kruanh rđău kan n'hanh rmôt bác sĩ bah Nhih dak si Nkual Tây Nguyên, lôch nê hăn uănh Khoa Cấp cứu sĭt dăng tay n'hâm suan, roh jay E- ntŭk nchrăp jêng nkual săm nuĭh ji Covid-19 gưl 2 n'hanh 3 n'hanh nkual dôl săm nuĭh ji Covid-19 gưl 3. Lôch nê, ăp bác sĩ, điều dưỡng bah Nhih dak si Chợ Rẫy gŭ tay hôm 1 pơh đŏng gay ntop kơl n'gor Dak Lak tâm pah kan njrăng, n'gang nuh srê n'hanh mât chăm, săm nuĭh ji Covid-19. Tĭng nchih rgum bah Sở Y tế Dak Lak, tât ôi 27/10, n'gor năl geh 3.479 nuĭh ntưp Covid-19, tâm nê dôl săm 1.436 nuĭh./.

Nuĭh rblang: Điểu Thân