VOV4.M'nông: Nar 7/10, ta bôk ƀoh nklang nkual ƀon têh Đà Lạt, Mpôl đại biểu Quốc hội n'gor Lâm Đồng hŏ ƀư mâp cử tri ăp nhih pah kan, đơn vị, mpôl kan Đảng, n'gâng kan, MTTQ Việt Nam n'gor n'hanh ăp nkuâl Lạc Dương, Đơn Dương, Đức Trọng ma trong pơk sŏng dăng. Ta rơh mâp, ăp đại biểu Quốc hội hŏ mbơh gĭt tât cử tri Lâm Đồng mpeh ăp nkô̆ khlay bah rơh hop tâl 2, Quốc hội khóa XV ntơm pơk ntơm bah nar 20/10 tât nar 13/11 tât; mbơh lam nô nău wăng sa- rêh jêng kon nuĭh bah n'gor n'hanh lam dak tâm 9 khay bôk năm n'hanh trong nchrăp 3 khay kêng dŭt năm 2021.

Bah meng mpơl nău nsing nơm, mât uănh bah Đảng, Ngih dak, Chính phủ tâm ntrŭt ntrôl hun hao wăng sa- rêh jêng kon nuĭh, njrăng n'gang nuh srê Covid-19, cử tri n'gor Lâm Đồng nkoch tât âk nkô̆ nău ân dơi uănh khlay tay nkra rgâl an tâm di. Nê lah mpeh pah kan mât njrăng bri hôm lhui lhoi, trong tăch luh ndơ geh ƀư tuch tăm rgoh n'gơ, tuch tăm tĭng trong kloh uĕh n'hao rnoh khlay hôm đêt, nô nău an manh deh prăk kon âk hôm geh ta ăp nkual ƀon lan, geh ma nău ntưp rêng nuh srê Covid-19 ta ăp chợ bôk tơm n'hanh nuĭh ƀĭt ndeh rdeng ndơ trong jong..../.

Nuĭh rblang: Điểu Thân