VOV4.M’nông – Râng rơh rƀŭn tal 2, Quốc hội khóa 15 ƀư trực tuyến, jêh rnôk djăt nău mbơh mpeh săk rnglăy ƀư tĭng trong nchrăp hun hao wăng sa-rêh jêng năm 2021; nchrăp trong hun hao wăng sa-rêh jêng năm 2022. Nău mbơh mpeh trong kan njrăng, n’gang srê Covid-19 n’hanh nu nău ƀư tĭng Nghị quyết mrô 31/2021/HQ15 mpeh rơh rƀŭn bôk năp, Quốc hội khóa 15, Mpôl ntoh măt Quốc hội n’gor Dak Lak lĕ an mông nar tâm nchră ta rmôt ăp nkô̆ nău aơ. Ăp nuĭh ntoh măt ta Dak Lak mbơh tâm ban ŭch đah nkô̆ nău ăp nău mbơh n’hanh nchrăp trong nchră hun hao wăng sa rêh jêng nkoch ta rơh rƀŭn, nkre geh nău rgop tay mpeh nău uănh lah nău khuch bah chôt srê Covid-19 tât nuĭh ƀon lan, lơn lah nău uănh mĭn đah nuĭh kon se geh roh me bơ̆ tâm rơh srê; nău mbơh ƀư prăk ntuh kơl nsum aƀaơ hin ta lam dak mbrơi da dê đah nkô̆ nău thơ tha yor trong ƀư nău kơl hôm e âk wăk kol.

Nuĭh rblang: Y Sưng Phê Ja