VOV4.M’nông – Ôi 24/8, Đại tướng Phan Văn Giang-Ủy viên Bộ Chính trị, Groi Bí thư Quân ủy Trung ương, Kruanh n’gâng kan mât njrăng bri dak n’hanh Groi Thủ tướng Lê Văn Thành lĕ tât khâl, ntrŭt đă rmôt, y, nai dak si, cán bộ, tahen ntŭk bôk năp nchăng n’gang srê ta Ngih dak si Quân y 175, ăp ntŭk nchăng n’gang srê ta nkual ƀon têh HCM. Ntoh ngơi ta nar pah kan, Groi Thủ tướng Lê Văn Thành rnê rmôt tahen lah nsum, quân y lah êng, tâm nĕ geh Ngih dak si 175 lĕ hăn lor bôk năp njrăng n’gang srê; nkre đă cán bộ, tahen ƀư uĕh nău kan mât nâp rnă njrăng, đăp mpăn ndơ sông sa, dak ngêt an nuĭh ƀon lan tâm nkual srê; n’hŭch đêt ngăn nuĭh ntưp gay mât uĕh rmôt râng njrăng n’gang srê. Tâm nar 24/8 đŏng, mpôl pah kan lĕ tât khâl, uănh nđôi n’hanh ntrŭt đă cán bộ, tahen ƀư nău kan ta ntŭk kâp njrăng chôt srê n’hanh ăp nuĭh đăp mpăn nău rêh jêng ta quận Bình Tân, nkual ƀon têh Hồ Chí Minh.

Nuĭh rblang: Y Sưng Phê Ja