VOV4.M'nông: Kêng măng 4.10, ta Hà Nội ƀư lễ dơn 1,5 rkeh dĭng vaccine Pfizer tă bah Mỹ pă an Việt Nam ma trong way kan COVAX. Đah nău ntop kơl dja, Mỹ ton mbra ntop kơl tay Việt Nam lơh dơi nuh srê Covid-19, kơl đăp mpăn nău rêh n'hanh ngăch dăng n'hâm suan an nuĭh ƀon lan. Ta rơh dơn vaccine, Thứ trưởng Ngoại giao Đặng Hoàng Giang mpơl nău dŭt lah uĕh tât Chính phủ Mỹ mpeh nău ntop kơl Việt Nam ma trong way kan COVAX. Tâm rnôk nuh srê tât krit nji lam ntŭr neh n'hanh ta Việt Nam, nău ntop kơl dja dŭt geh nkô̆ khlay, kơl Việt Nam tĭng kơn bên di đah nău rêh mhe; nkre mpơl nău ŭch rŏng mbra dơn geh tay ndơ ntop kơl bah ăp dak tâm boh, mô dơn mpeh vaccine ma hôm ntop kơl mpeh dak si, tâm pă nău tă ơm gĭt kan mpeh dâk hao tay jâng wăng sa n'hanh kân bah nuh srê đŏng, ntơm bah nê rgop tâm nău đăp mpăn nsum bah lam ntŭr neh./.

Nuĭh rblang: Điểu Thân