VOV4.M’nông: Đah nău u\ch ro\ng m^n rklă nău kan, âk năm ba năp, nai nti Trần Văn Dũng ndrel đah ăp nu^h kan ndrel ta ngih nti Cao đảng kĩ thuật n’gor Daklak le\ rklă [ư bar pe jât nău nt^t tâm nău nti ueh di. Ăp nău nt^t nti aơ mô dơn kơl an kon hoc dơh vât tâm nău nti, ma hôm nha geh g^t do\ng tâm nău ngăn đo\ng. “Nai nti mpoh ang nău u\ch ro\ng m^n rklă kan” lah nău nkoch mpeh ăp nău m^n kan tâm rgop ntop khlay tâm nău nti bâh nai nti Trần Văn Dũng.

            Mông nti rlong [ư ta Khoa Điện-Điện tử, ngih nti Cao đẳng Kỹ thuật Daklak geh âk nău mât ua\nh, u\ch ro\ng  bâh ăp sinh viên đah nău nt^t “Nău kan nsru\ng ndeh êng do\ng PLC S7-200”. Nău kana ơ mô dơn kơl an sinh viên g^t na nê| lơn mpeh nău kan bâh ndơ r[et ntru\p (PLC) ma hôm nha geh saơ, ntrup êng, rpet êng ntu\k nsru\ng êng ndeh [ư jê|. Du\t ueh tay đo\ng lah nău kana ơ mbra geh do\ng ngăn tâm nău rêh. Sinh viên Lê Ngọc Sang, nti jrô 42C Điện Công nghiệp, ngih nti Cao đẳng Kỹ thuật Daklak an g^t:

            “Nai nti [ư âk nău kan nt^m nti an hên ua\nh nti n’hanh kơt [ư. Nt^t lah kơt nai nti Trần Văn Dũng le\ [ư nău kan “máy ntôl an lâng”, “ntu\k  nsru\ng ndeh r[et êng”…ăp nău kan ne\ du\t ngăn ngên tâm nău rêh n’hanh tâm công nghiệp, kơl an ăp oh g^t vât na nê| n’hanh joi trong ntru\p [ư n’hanh r[et PLC. Nău kan ne\ du\t u\ch, gâp u\ch kơt [ư”.

            Bơi tât 20 năm gu\ nti ta ngih nti Cao đẳng Kỹ thuật Daklak, nai nti Trần Văn Dũng le\ m^n ua\nh, nkra njêng rlău 10 nău nt^t gay ma nt^m nti tâm nău nti kon hoc du\t ueh di. Ăp ntil ndơ aơ le\ tă geh râng tâm rlong ndơ [ư êng ăp gâl, tâm ne\ geh 5 ntil ndơ le\ geh rnê gâl ngih dak ta ăp rơh tâm rlong. Ntoh lư kơt lah ndơ “nsưng do\ng kan âk ntil PLC ntrup điện”, “Nsưng do\ng kan điện trong rse điện ntôl pler”, “Ndơ ntâl- pơk mông êng”. Ăp nău [ư aơ gay ma tiăr nti an sinh viên nău dơi ntrup [ư n’hanh g^t tâm rgop nău blău đah ăp môn học tâm bôk nău kan nt^m nti điện, njêng du rmôt tâm rgop dơn ngoăy, na nê| gay ma njêng ăp ntil ndơ mbra dơi geh do\ng tâm nău ngăn.

            Mhe aơ ngăn, nai nti Trần Văn Dũng ndrel đah ăp nu^h kan ndrel le\ m^n ua\nh, njêng dơi nău kan “Ntu\k nsru\ng ndeh êng do\ng PLC D7-200”. Ndơ aơ le\ geh rnê giải ngoăy rơh tâm rlong ndơ do\ng tâm nt^m nti [ư êng gâl n’gor, giải 2 rơh tâm rlong m^n rklă kĩ thuật n’gor Daklak năm 2017.aơ lah ndơ geh do\ng công nghệ mhe đah ăp ntil ndơ r[et ntrup PLC n’hanh  ndơ cảm ứng (HMI) tâm rgop đah ăp ntil ndơ gay ma r[et ăp ntil ndơ kơt lah rse pah kan ngăn. Đah ntil ndơ aơ, nar 17-4 aơ, nai nti Trần Văn Dũng mbra tât ta Cung văn hoá Lao động Hữu nghị Việt Xô (Hà Nội) gay ma dơn ndơ nkhôm rnê m^n rklă kĩ thuật lam dak tal 14.

            “Nău kan aơ tâm rnôk m^n ua\nh n’hanh nkra njêng klâp ma 3 khay. Ntu\k nsru\ng ndeh aơ mô knơm ta nu^h kâp chăm. Nu^h geh ndeh ô tô pă an 1 rnoh brô. Nđap thẻ lah ndeh he nơm geh prăp êng, lôch ne\ hăn chợ mô lah pah kan, lôch ne\ ndơ\ thẻ nđap tay. Yơn lah t^ng rnoh mông ma n’hâp prăk. Ndơ aơ gâp m^n lah tâm di n’hanh du\t u\ch lah mô dơn kơl an nt^m nti, ma u\ch mbơh tơih an neh dak hun hao t^ng nău ueh, đăp mpăn, ne\ lah mô geh ru\n in trong, ntu\k nsru\ng ndeh”.

            T^ng nău ua\nh năl bâh Thạc sic Hoàng Minh Cương- Hiệu trưởng ngih nti Cao đẳng Kĩ thuật Daklak, nai nti Trần Văn Dũng lah nu^h ntoh ang tâm nău kan tâm rlong “Nt^m ueh-nti ueh”, lah du hê nu^h ntoh lư mpeh nău pah kan rklă m^n. bâh ne\, ntop ntrôl pah kan m^n ua\nh khoa học, rklă m^n mpeh kĩ thuật n’hanh njêng ăp ntil ndơ do\ng nt^m nti kon hoc an ngih nti. Thạc sĩ Hoàng Minh Cương lah na nê|, nău kan aơ nkra ma tiăr nti nău dơi kan an mpôl nai nti, n’hao săk rnglăy nt^m nti nău kan, nkre kơl an ngih nti bah ir o\ jêr mpeh ndơ nt^m nti, tâm rnôk prăk do\ng mô âk.

            “Nău tâm rgop bâh mpôl nai nti, nu^h kan-mpôl kan n’hanh kon hoc- sinh viên đah nău tât râng [ư ndơ nt^m nti, ne\ lah nău kan m^n ua\nh tâm nău kan [a [ơ geh ngih nti ntrôl kan. Đồng chí Trần Văn Dũng lah ngoăy tâm âk nu^h ntoh lư bâh cán bộ mât ua\nh, nai nti, giảng viên ngih nti tâm nău m^n ua\nh kĩ thuật  [ư ndơ do\ng tâm nău nti, tâm rlong ta nău kan nt^m ueh-nti ueh bâh ngih nti. Ndrel kơl đah ngih nti tâm nău kan nkra njêng, ntru\p mât ăp nău kan gay ma kơl nt^m nti tâm rnôk tơm prăk ngih dak mô to\ng ntuh kơl”.

            Bơi tât 20 năm pah kan nti ta Cao đẳng kĩ thuật Daklak, nai nti Trần Văn Dũng le\ âk tơ\ geh nău rnê nai nti blău gâl n’gor, gâl ngih dak. Đah nău u\ch ro\ng m^n ua\nh khoa học, wa le\ geh bar pe jât nău nkra [ư tâm di, geh Tổng liên đoàn lao động Việt Nam pă Bằng Lao động sáng tạo, n’gâng kan Lao động thương binh n’hanh xã hội, UBND n’gor Daklak pă bằng khen n’hanh kơp dơn nău ntơ chiến sĩ thi đua gâl n’gor. Đah nău dơi âk n’hanh nău geh m^n kan ne\, nai nti Trần Văn Dũng le\ mpoh ang nău u\ch ro\ng m^n kan an le\ kon hoc- sinh viên n’hanh mpôl cán bộ, nai nti ngih nti.          

Nu^h nchih rblang: Thị Đoắt