VOV4.M'nông: Nar 6/10, ta nkuâl Cư M'gar, n'gor Dak Lak năl geh 1 mpôl ntưp nuh srê Covid-19 tâm ƀon lan. Ăp mpôl kan ta ntŭk  ngăch mpă wêl ntŭk nuh srê gay nking nchăng. Tĭng nê , ôi 6/10, lôch sơch uănh năl ta Nhih dak si Thiện Hạnh, n'gâng kan dak si năl geh du hê nuĭh ntưp đah SARS COV-2.

Nê lah wa L.T.L, gŭ ta thôn Phú Thành, xã Ea Drơng, nkuâl Cư M'gar. Lôch ôp uănh nuh srê n'hanh ƀư test ngăch ăp nuĭh F1, n'gâng kan dak si Cư M'gar năl geh tay 5 nuĭh ntưp đah SARS COV-2 lah 4 nuĭh gŭ tăch ndơ ta chợ Cuôr Đăng n'hanh 1 hê lah mon wa L. Dŭt njrăng, mon dja dôl nti ta Nhih nti tiểu học Phan Bội Châu, xã Ea Drơng.

Tâm măng 6/10, n'gâng kan dơi kan  hŏ mpă wêl ăp nkual gŭ rêh bah ăp nuĭh mhe nkoch bah lơ nê n'hanh ƀư test ngăch rlău 200 nuĭh mâp dăch. Bol mih dŭt têh yơn ăp mpôl kan dơi kan ta ntŭk tâm rgop kan nsum lhăt mpă wêl nhih nti tiểu học Phan Bội Châu gay njrăng n'gang nuh srê ntưp rêng./.

Nuĭh rblang: Điểu Thân