VOV4.M'nông: Kêng măng (20/10), Ntŭk rgum mât kân kop ji ta n'gor Dak Lak an gĭt: Ta nkual ƀon têh Buôn Ma Thuột mhe năl geh tay 17 nuĭh test ngăch n'hanh mpơl ntưp đah  SARS-CoV-2 ta 2 phường Tân Tiến n'hanh Tân Lập. Tâm 17 nuĭh ntưp ta bar phường dja, geh 4 nuĭh ta trong Hồ Tùng Mậu, phường Tân Tiến hŏ lôch uănh năl PCR ntưp đah SARS-CoV-2.

Lôch năl ntưp, mpôl kan dơi kan hŏ mpă wêl, ƀư uănh năl mham an rlău 1.000 nuĭh ta tổ dân phố 3 phường Tân Tiến n'hanh năl geh tay 1 hê nuĭh ntưp đah SARS-CoV-2. Rlău ma nê, tâm ôi (20/10), bar hê ur sai gŭ rêh ta hẻm 129 Ama Khê (phường Tân Lập) saơ tâm săk ji ŏ r'ah hŏ hăn tât du ntŭk kan dak  si uănh năl êng n'hâm suan. Ta aơ, 2 hê nuĭh dơi ŭanh năl, lôch geh mpơl ntưp đah SASR-CoV-2. Geh tât nô nău nuh srê Covid - 19 ta n'gor Dak Lak, tâm nar (20/10), n'gor hŏ năl geh tay 35 nuĭh ntưp đah Covid-19 ta du đêt nkuâl, thị xã, tâm n'gor đŏng./.

Nuĭh rblang: Điểu Thân