VOV4.Mnông- Nar 5/9, ndrel đah lam dak, kon hoc ăp n’gor Tây Nguyên lĕ geh du nar ntơm lăp năm nti mhe mha êng lăp năm nti 2021-2022 tâm nău nuh srê Covid-19 dŭt jêr njrăng. Lah du n’gor ta Tây Nguyên ê hŏ geh saơ nuĭh ntưp srê Covid-19 tâm ntŭk rêh jêng, yơn gay ma njrăng đah nuh srê, nar lăp năm nti mhe 2021-2022 geh n’gâng kan ntĭm nti Kon Tum ƀư trực tuyến bâh kênh ntoh rup, pơk ta ntŭk ntoh rup ntoh ngơi n’gor n’hanh bâh Internet. năm nti mhe, n’gor Kon Tum geh rlău 164 rbăn kon hoc bâh mầm non tât THPT. Lôch nar ntơm lăp năm nti mhe, nar aơ 6-9, kon hoc hăn nti nar bôk năp ta jay tĭng trong trực tuyến. n’gor lĕ pă jao an ăp ngih nti ƀư pă tĭng rmôt kon hoc na nê̆ gay ma pă nti trực tuyến an dơi geh săk rnglăy ngăn.

Tâm nar ntơm ƀư năm nti mhe du trong rjăp, dơh ngăch tă bah pơk tâm tivi sŏng dăng, rlău 392 rbăn kon hŏk ta 714 ngih sam ƀŭt ta n’gor Gia Lai lĕ nchrăp ntơm lăp năm nti mhe. Gay tâm di đah nu nău srê, bah nar 6/9, nău kan ntĭm nti Gia Lai ƀư ntĭm n’hanh nti tĭng 2 trong. Tĭng nĕ, kon hŏk ta 2 ntŭk dôl ƀư tĭng Ntĭm đă 16 bah Thủ tướng Chính phủ lah Nkual ƀon têh Pleiku n’hanh nkual têh Phú Túc (nkuăl Krông Pa) mbra nti tâm mạng.

Gia Lai ntơm ƀư năm nti mhe dơi pơk sŏng dăng bah Ngih sam ƀŭt THPT chuyên Hùng Vương (nkual ƀon têh Pleiku)

Kon hŏk ăp ntŭk ƀa ƀă mbra nti rgum. Ăp ngih sam ƀŭt ta Gia Lai lĕ nchrăp ndoh ndơ, nkra tay ndơ công nghệ thông tin, nchrăp ƀư ntĭm nti tă bah mạng tâm nău ŭch khlay. Ta Dak Lak, ăp ngih sam ƀŭt ƀư ntơm năm nti mhe 2021-2022 ta ôi 5/9 tĭng trong ƀư tă bah mạng, đăp mpăn, dơh ngăch, ngăn ngên, mpơl nuih n’hâm tâm pă, ntrŭt nsôr kon hŏk, nai rlet rlău jêr jŏt gay jêh nău kan ntĭm n’hanh nti. Năm nti aơ, n’gor Dak Lak geh rlău 450.000 kon hŏk ăp gưl. Ta năp nu nău chôt srê, n’gor lĕ ndruch ntơm năm nti mhe tât nar 15/9, gay nău kan ntĭm nti n’hanh nuĭh ƀon lan geh nar nchrăp uĕh lơn ăp nău ƀư ntĭm n’hanh nti.

Kon Hŏk Dak Lak ntơm năm nti mhe pơk sŏng dăng tă bah mạng Internet

Đah nău nchrăp uĕh, Dak Nông lah n’gor ngoay dơm ta Tây Nguyên ƀư ntơm năm nti mhe ta ăp ntŭk ntĭm nti, yơn ƀư tâm srang tâm ƀah 50-50. Êng n’gor Lâm Đồng mbra an kon hŏk tât ngih sam ƀŭt tâm nar 15/9 n’hanh ƀư năm nti mhe tâm nar 18/9.