Ƀư kơt tĭng ueh nuih n’hâm, nau vay ơm ueh bah rnoi mpôl ndrel nau ntĭm bah Kruanh Hồ Chí Minh, 77 năm ma aơ, Đảng, Ngih dak ndrel ƀon lan Việt Nam mro kơl an, mât chăm, ƀư ueh nau kan kơl an đah rnăk geh n’hâm ma cách mạng ndrel ƀon lan. Di nkah 77 năm Nar tahen sôt rmanh, tahen khĭt (27/7), Kruanh dak hŏ pă nklâm ndơ ân bơi tât 1,4 rkeh nŭih geh n’hâm ma cách mạng, băl mpôl nŭih geh n’hâm ma cách mạng, đah rnoh prăk bơi tât 420 rmen. Chính phủ kŏ ntrŭnh nau mrô 77, lơ 1/7/2024 ntrŭnh nau rgâl rnoh kơl an ân nŭih geh n’hâm ma cách mạng đah rnoh hao 35,7%.

Aơ lah rnoh prêh ngăn bah ăp rơh rgâl, geh ƀon lan ndrel nŭih geh n’hâm, băl mpôl rnăk vâl rnê, kơl an. Bộ Lao động, thương binh ndrel xã hội ƀư ân tâm di nau mbơh ntŭk nchih nkah moh bah ăp tahen khĭt. Nau kan kơl an, mât chăm, ƀư ueh nau kan kơl an mô knŭng ntoh nau kơl an, nau nkah đah ăp tahen sôt rmanh, rnăk tahen khĭt ndrel nŭih geh n’hâm ma cách mạng, du gưl hôm ƀư bah nau ji, nau roh hoach bah ăp nŭih hôm rêh, hôm lah nau kan bah rơh nar aơ ndrel jêh aơ đah ăp nŭih roh hoach ân nau đăp mpăn, dah rŏng bah neh dak./.