Ôi 19/10, Ủy ban MTTQ Việt Nam n'gor Gia Lai  ƀư tâm nchră mâp măt, mpư rnê nuĭh geh nsing nơm ntoh lư nkual ƀon lan rnoi mpôl đê̆ ta n'gor tâl IV, năm 2022. Lam n'gor Gia Lai aƀaơ geh 955 nuĭh lah bu ranh ƀon, nuĭh geh nsing nơm ntoh lư tâm nkual ƀon lan rnoi mpôl đê̆.

Ăp năm rlău aơ, ăp bu ranh ƀon, nuĭh geh nsing nơm hŏ rgŏ jă ƀon lan rgop rlău 700 rmen prăk, rong an rlău 132.000 m2 neh gay ƀư ntŭk dŏng nsum; kơl an rlău 20.000 rnăk ƀon lan rnoi mpôl đê̆ rgâl nău mĭn, nău kan, tuch tăm mât rong. Tât aƀaơ, lam n'gor Gia Lai hŏ geh 91 xã di rnoh rdâk njêng ƀon lan mhe, nău rêh wăng sa tâm nkual ƀon lan rnoi mpôl đê̆ nar lơn ma dơi rgâl; săk tơm văn hoá dơi mât ndray n'hanh mpư n'hao. Nkhêp geh rnôk dja,  UBND n'gor Gia Lai n'hanh Ủy ban Mặt trận tổ quốc Việt Nam n'gor pă an bằng khen an 200 nuĭh lah nuĭh geh nsing nơm tâm ƀon lan rnoi mpôl đê̆./.

VOV Tây Nguyên/Nuĭh rblang: Điểu Thân