Ta rơh tâm mâp, Đại sứ Việt Nam ta Chile mbơh tơih đah Kruanh dak Lương Cường mpeh nău pah kan bâh Đại sứ quán n’hanh âk nuĭh Việt Nam dôl gŭ rêh, pah kan ta Chile. Đại sứ lah na nê̆ bâh nău tâm boh kan way ơm, geh bun dăp bâh âk rơh nuĭh leo kan n’hanh ƀon lan 2 dak, nău kan tơm, rgŏ lĕ rngôch bâh Đại sứ quán Việt Nam ta Chile lah nău kan mât tâm boh kan chính trị ueh đah 2 dak. Cán bộ, nuĭh kan Đại sứ quán n’hanh âk nuĭh Việt ta Chile way geh knơm ta trong leo kan, nău kơl bâh Đảng n’hanh ngih dak tâm ban kơt nău kan ăp nar lơ ma hao bâh neh dak n’hanh knơm ta rơh hun hao têh dăng bâh mpôl rnoi.

Ta rơh tât khâl Chile, Kruanh dak Lương Cường geh vơt kruanh Đảng Cộng sản Chile Lau-ta-rô Các-mô-xa Xô-tô (Lautaro Carmona Soto); vơt dêh rmên mpôl Viện văn hóa Chile- Việt Nam.