Ôi 13/11, ta Nhih pah kan Trung ương Đảng, Tổng Bí thư Tô Lâm ƀư tơm rơh pah kan đah Tiểu ban Kinh tế xã hội hao rblang dăn Đại hội XIV bah Đảng. Lah ta rnôk ntơm pah kan, Tổng Bí thư Tô Lâm rnê âk trong nchrăp siƀŭt mbơh bah Tiểu ban ăp tŏngt n’hanh geh âk ntŭk mhe, nkre lah rjăp: Lôch gŭ mĭn bôk năp siƀŭt an saơ Tiểu ban nchrăp dŭt ăp tŏng, geh âk nkô̆ mhe rđĭl đah ăp siƀŭt mbơh bah  năp nơh, yơn lah rđĭl đah nău têh khlay bah Đại hội 14 nchrăp ăp siƀŭt nê geh siƀŭt mbơh chính trị, mbơh wăng sa rêh jêng kon nuĭh ân têh lơn đŏng.

Bộ Chính trị, Ban Bí thư hŏ tâm ban ŭch trong uănh jong rơh hun hao mhe, rơh hun hao ndrŏng dăng bah neh dak bah Đại hội 14 bah Đảng. aơ lah trong tât mhe tâm nău rdâk njêng ăp siƀŭt nchrăp lor  dơi Trung ương 10, ăp nuĭh Bộ Chính trị, Ban Bí thư n’hanh ăp kruanh rđău  kan ơm Đảng, Ngih dak tâm ban ŭch âk. Tổng Bí thư njrăng đă, ŭch ƀư dơi ăp rnoh tât kan dja ân geh nău nsrôih dŭt têh, rlău nău way ngăn, ndăn mông nar, du nuih n’hâm, rgop suan n’hanh ân geh ăp trong nkra đăt ndal gay hăn trong glăt, mpă wơt lor bôk năp, der bah n’gluh rnoh ŭch tât kan yơn mô dơi tĭng ƀư./.