Nar 13/11 (tĭng mông ta ntŭk), Tổng thống Peru wa bu ur Dina Ercilia Boluarte Zegarra hŏ ƀư tơm rơh wơt rgum Kruanh dak Lương Cường ndrel mpôl ntơh măt gưl têh Việt Nam khâl ngăn dak Cộng hoà Peru.

Lôch ƀư wơt ngăn, Kruanh dak Lương Cường n’hanh Tổng thống Đi-na Ê-xi-li-a Bô-lu-a-tê Xê-ga-ra hŏ geh rơh mâp êng n’hanh lôch nê leo mpôl ntơh măt gưl têh bar dak ƀư tâm nchră ăp trong rdâk nsing dăng tay tâm boh nsing ta  nău tâm boh chính trị uĕh lăng đah bar dak, n’hao nău dơi tam tâm boh tâm ăp trong kan săk geh n’hanh rƀŏng tât n’hao tâm boh hao prêh mhe. Bah năp nê, Kruanh dak Lương Cường n’hanh mpôl ntơh măt gưl têh Việt Nam hŏ tât an kao si ta Ndah rup nkah gĭt ăp nuĭh dăng janh rnoi nuĭh n’hanh nuĭh njêng đăp mpăn bôk năp ta thủ đô Lima.