Công ty Điện lực Dak Lak mhe nkah njrăng lor tât ăp nuĭh njrăng njrăng bah năp ăp tin nhắn, rơh kuăl rlăm nuĭh kan điện lực gay mplư rlăm. Ăp nuĭh rlăm mbơh mpeh rnon prăk điện, nkri koh điện, đă năch ndơ̆ prăk điện ma trong njuăl prăk tâm tài khỏan ngân hàng; mô lah pơk  ndơ dŏng rlăm tâm điện thoại gay pit mât điện thoại bah năch, ƀư njuăl prăk têh.

Công ty Điện lực Dak Lak lah rjăp, ăp nuĭh kan điện lực rnôk tâm mâp đah năch tĭng jăp nău kan mât chăm năch dŏng da dê, mô geh mưch rmot, mô ntĭm nti năch lăp tâm trong link, mô đă năch cài đặt ứng dụng ma điện thoại. Điện lực Dak Lak nkah njrăng năch mpư n’hao nuih n’hâm njrăng, mô mbơh nău lư êng nơm, mô trok prăk điện tâm tài khoản ngân hàng rnôk mô hŏ năl di, mô cài đặt ứng dụng mha êng tâm điện thoại. Rnôk dơn geh nău kuăl, tin nhắn mĭn rlăm nuĭh kan n’gâng kan điện, năch dŏng ân mbơh tât tổng đài 19001909 mô lah ôp tât điện lực ta ntŭk gay dơi ntĭm nti, ntop kơl năn ngăch.