Lŏ hăn khâl ngăn dak Thuỵ Điển, Groi Kruanh dak Võ Thị Ánh Xuân hŏ geh tâm nchră ma Kruanh Quốc hội Thuỵ Điển Andreas Norlen ta Stockholm. Groi Kruanh dak Võ Thị Ánh Xuân lah rjăp, Việt Nam mro uănh khlay nau hun hao tâm boh ăp ntil ma Thuỵ Điển, tâm di ma nau geh, nau dăng ndrel nau ŭch bah ăp dak. Bar ding tâm ban ân lah 2 dak ân geh dơi dŏng ueh lơn tay nau dăng bah 2 ding, ntrŭt dăng tâm boh rjăp, tam, ndrel geh săk rnglay; lah rjăp nau khlay bah tâm boh đah bar Quốc hội tâm nau rgum tâm boh 2 ding, tâm ban nau n’hao tâm nchră rmôt rđau kan Quốc hội ndrel Uỷ ban ƀư nau kan bah Quốc hội bar ding.

Tâm nchră mpeh nau kan tâm nkuăl ndrel lam ntur neh ndrel uănh khlay, bar ding tâm ban n’hao tâm rgop ndrel tâm kơl tâm ăp nau tâm nchră âk ding gay ntrŭt dăng nau rklaih tâm rkeh, tâm pit đah nau kan đăp mpăn nsing tâm Hiến chương Liên hợp quốc ndrel luật pháp lam ntur neh, ntrŭt dăng nau kan tăch rgâl dah rŏng, hun hao nâp nâl tâm lam ntur neh./.