Djăt ăp nău tâm rgop ta rơh ôp ơh nău, groi Thủ tướng Lê Thành Long ntoh ngơi n’hanh lah na nê̆ mông nar ba năp nơh n’gâng kan dak si lĕ geh âk nău nsrôih khlăy tâm nău pah kan mât chăm, mât ueh săk soan an ƀon lan, ngăn lah nău kan njrăng rdâng nuh srê. Yơn lah, hôm nha geh đê̆ nău mô tâm di, ê hŏ geh ndâk nsơm kơt lah: nău mô tŏng dak si, mô tŏng ndơ dŏng n’gâng kan dak si, mbrơi ƀư ăp nău nchrăp kan. Groi Thủ tướng an gĭt, Chính phủ lĕ dŭt mât uănh n’hanh nsrôih ntĭm leo n’gâng kan dak si ăp gâl kan, n’gâng kan, ăp ntŭk geh tât rgum ƀư tĭng an tâm ban ăp nău kan, trong kan gay ma n’hao nău ueh pah kan mât chăm, mât uănh săk soan an ƀon lan.