N’gor Đăk Lăk geh rlău 1.700 ngih mât rong sĭm rlêng, rgum dŭt âk ta nkuăl ƀon têh Buôn Ma Thuột n’hanh ăp nkuăl Ea Kar, Krông Păch. Rnoh rsoăn rlêng bâh n’gor geh bâh 8-10 tấn/năm. Đăk Lăk lah n’gor dâk bôk năp ta nkual Tây Nguyên n’hanh ta rnoh top 10 n’gor nkuăl ƀon têh geh rnoh ngih rong sĭm rlêng dŭt âk ta lam dak. Aƀaơ, lam n’gor geh 15 ntil ndơ ƀư bâh rsoăn sĭm rlêng geh uănh năl lah ntil ndơ OCOP 3 sao, 8 ntil ndơ OCOP 4 sao. Đăk Lăk lĕ geh rnoh rsoăn sĭm rlêng bôk năp tăch tĭng trong tơm ta Trung Quốc n’hanh ăp dak êng kơt Mỹ, Úc, Nhật Bản..Ta meng ăp nău dơi lĕ geh, n’gâng kan rong sĭm rlêng ta Đăk Lăk dôl geh mâp âk nău jêr n’hanh ntul rlong mpeh nău mpŏng kan ntŭk nchrăp kan tơm, nău pah kan, nkret ƀư n’hanh tăch rvăt ndơ n’hanh rdâk njêng nău ntơ.