“Tơm me sầu riêng Krông Pắc, n’gor Dak Lak mbra rgum rdâk njêng reh n’gu n’gâng kan sầu riêng jŏ jong n’hanh nchrăp năm 2025 mbra nsĭt geh 7.500 rmen prăk bah n’gâng kan dja”. Aơ lah nău lư dơi UBND nkuâl n’gluh ta rnôk tâm nchră n’glôch jêh mât chăm, tăch sầu riêng năm 2024 n’hanh an ƀư trong nchrăp nău dơn kan năm 2025”.

 Đah rnoh khlay rvăt hŭch hao ntơm bah 60.000 - 70.000 prăk/kg, rnoh khlay tuch tăm sầu riêng bah nkuâl Krông Pắc tâm năm 2025 nchroh geh ntơm bah 6.400 - 7.500 rmen prăk, jêng ndơ tăch tơm khlay ta ntŭk. Ndơ̆ ndơ tăch dja hun hao tâng jru, nkuâl Krông Pắc, n’gor Dak Lak uănh khlay tĭng jăp rnoh kah uĕh, nkre đah nkret njêng, tăch, tĭng kơn jêng tâm ntêng lêng tuch tăm tĭng rnoh khlay; mbơh kloh rvah rêng mât chăm gay njêng nău nsing nơm, nău đăp mpăn an nuĭh dŏng  sa; rdâk njêng bản đồ tuch tăm gay geh dăp rgum tâm di an nkual tăm sầu riêng.