Ôi 12/11, Ban rđău đă 515 n’gor Gia Lai hŏ ƀư lễ luh hăn joi, rgum tâp nting tahen ơm n’hanh nuĭh rnâng kan Việt Nam khĭt tâm ăp rơh tâm lơh ta Campuchia. Râng rơh hăn joi, rgum nsĭt nting tahen ơm khĭt rơh dja, ăp cán bộ, tahen mpeh Đội K52, Phòng Chính trị, Bộ chỉ huy quân sự n’gor Gia Lai dơi tâm  pă tay ƀư jêng ăp rmôt leo hăn joi ta pe n’gor Đông Bắc Campuchia lah: Preah Vihear, Stung Treng n’hanh Ratanakiri.

Ntơm bah aơ tât lĕ khay wai năm 2025. Ta rơh lễ luh hăn, kruanh rđău kan n’gor Gia Lai ndrel kruanh Bộ chỉ huy Quân sự n’gor Gia Lai hŏ njuăl nău ôp khâl, rgŏ jă ăp tahen hăn pah kan rơh dja. Nkre đă đội K52 rƀah gĭt tay ăp quy định mpeh tâm boh dak bah dih, tĭng jăp nău kan tahen, ăp quy định bah Bộ Quốc phòng, bah Quân khu tâm boh dak bah dih. Rƀah gĭt ntŭk, ăp nău lư mpeh môch tahen ơm khĭt, đăp mpăn ăp nău lư dơi ôp uănh, năl di ngăn.