Ntoh măt kruanh N’gâng kan nt9ĭm rđău tahen n’har bri n’gor Dak Lak, Ngih pah kan gŭ ta nkual Tây Nguyên-Radio nău ngơi Việt Nam (VOV Tây Nguyên), ndrel đah ăp ntŭk kan ntop kơl ƀư sa nkra n’hanh jao an “Jay oh nô tahen” năm 2024 đah tahen ƀon lan geh naư rêh jêr jŏt ta xă nkual jru ngai Cư Pui, nkuăl Krông Bông, n’gor Dak Lak. “Jay oh nô tahen” rnoh neh 100m2 lĕ dơi an rnăk Đại úy Y Thuy Bkrông-Jrô Trình sát N’gâng kan ntĭm rđău tahen N’har bri n’gor Dak Lak.

Jay têh uĕh, tâm rnglăp oh nô tahen, đồng chí mbra kơl 6 nuĭh tâm rnăk wâl tahen Y Thuy Bkrông đăp mpăn nău rêh, pah kan, trong kan, hao đăp mpăn nău rêh, nkre nsing nơm an cán bộ, tahen đăp mpăn tĭng ntŭk kan, nchrăp dơn n’hanh jêh uĕh ăp nău kan dơi jao. Tĭng Đại tá Đào Viết Hùng-Chỉ hủy trưởng N’gâng kan ntĭm rđău Tahen n’har bri n’gor Dak Lak, tâm năm 2024, ăp ngih pah kan, ntŭk kan, doanh nghiệp lĕ hăn ndrel ntop kơl ndâk ƀư geh 11 “Jay oh nô tahen” n’hanh “Jay tâm rnglăp n’har bri” ntop kơl nuĭh ƀon lan ta nkual n’har bri n’hanh tahen geh nău rêh jêr jŏt đah jay gŭ. Tâm nĕ, êng VOV Tây Nguyên lĕ ƀư an 2 mlâm jay khlay 150 rkeh prăk.