Aơ lah nău ntĭm đă bâh Groi Thủ tướng rnâng kan Chính phủ Nguyễn Hòa Bình ta rơh rƀŭn nchră uănh năl nău geh bâh bôk nău kan nkô̆ mpŏng ngih dak Mặt trận ngih dak hun hao wăng sa- rêh jêng nkual ƀon lan rnoi đê̆ n’hanh gôl yôk lvang năm 2021-2025 n’hanh đă mbơh nkô̆ nău bôk nău kan lvang năm 2026-2030, nkual miền Trung- Tây Nguyên, ta Gia Lai. Ntoh ngơi nglôch lôch rƀŭn nchră, groi Thủ tướng rnâng kan Chính phủ Nguyễn Hòa Bình lah na nê̆, gay ma ntrôl an hun hao wăng sa- rêh jêng nkual ƀon lan rnoi đê̆ ta nkual miền Trung- Tây Nguyên, tâm lvang rơh 2 năm 2026-2030, rnâng kan ntĭm leo ăp bôk nău kan ngih dak lĕ ngluh mbơh na nê̆ an rơh kan gay ma n’hao nău rêh an ƀon lan rnoi đê̆. Nsrôih an geh nău geh du hê nuĭh tâm ban dah du n’gul rnoh geh ta lam dak. n’huch rnoh ach o jur ba dâng 10%, mô hôm geh xã, thôn geh nău jêr jŏt, 70% xã tâm di nkual ƀon lan mhe.