N’gor Lâm Đồng dôl ntrŭt đă ăp nhih pah kan, đơn vị geh tât ndăn ngăch ƀư lôch jêh trong nchrăp ntlơi jăng lĕ 1.000 mblâm jay truh sat, nkưp nde tâm năm aơ kơl nuĭh ach o. Tâm 2 năm 2024 n’hanh 2025, Lâm Đồng ƀư ntlơi jăng 1.972 mblâm jay truh sat, nkưp nde kơl rnăk ach o, dăch kêng ach o tâm n’gor.

Tâm nê, 1.580 mblâm jay mon mhe n’hanh 392 mblâm jay nkra têh uĕh tay, đah lĕ rngôch prăk dŏng ƀư 88,8 rmen prăk. Êng năm 2024, Lâm Đồng n’gluh ntlơi jăng rlău 1.000 mblâm jay truh sat, nkưp nde kơl rnăk ach o n’hanh dăch kêng ach o, tâm nê mon mhe 840 mblâm jay n’hanh nkra têh uĕh tay 166 mblâm jay. Tĭng wa Phạm S, Groi kruanh UBND n’gor Lâm Đồng, tât rnôk dja, bôk  nău kan nsum ti ntlơi jăng jay truh sat, nkưp nde bah n’gor Lâm Đồng hŏ geh âk nău nsrôih râng kơl bah âk mpôl  kan, ăp nuĭh, ăp doanh nghiệp rgop, đah lĕ rngôch rnoh prăk dơn geh rlău 45 rmen prăk. Đah rnoh prăk dja mbra tŏng an nău tĭng ƀư jay truh sat, nkưp nde tâm  năm aơ tĭng di rnoh ndơ̆ luh.