Nkhêp di wa Sekiguchi Masakazu dơi săch ƀư Kruanh Thượng viện Nhật Bản n’hanh wa Nukaga Fukushiro dơi săch ƀư Kruanh Hạ viện Nhật Bản, Kruanh Quốc hội Trần Thanh Mẫn lĕ njuăl sam ƀŭt mbah rhơn. Tâm sam ƀŭt njuăl Kruanh Thượng viện Sekiguchi Masakaza n’hanh Kruanh Hạ viện Nukaga Fukushiro, Kruanh Quốc hội Trần Thanh Mẫn nsing nơm, đah nău blău ơm n’hanh nău nsing nơm bah nơm, 2 kruanh mbra ntĭm rđău Thượng viện, Hạ viện Nhật Bản dơi geh têh khlay lơn tay, rgop an hun hao uĕh lăng n’hanh nar lơ n’hao prêh jâng nsan bah Nhật Bản ta lam ntŭr neh.

Kruanh Quốc hội Trần Thanh Mẫn răm rhơn saơ nău tâm boh “Kan ndrel lĕ rngôch yor đăp mpăn n’hanh uĕh lăng ta châu Á n’hanh ta lam ntŭr neh” đah Việt Nam n’hanh Nhật Bản dôl hun hao uĕh lăng ta lĕ rngôch ăp ntil nău, đah nău nsing nơm chính trị têh ndrel đah lịch sử jŏ năm, nău dăch dêh đah văn hóa n’hanh nău tâm ban mpeh nău rêh rnoi nuĭh; tâm boh đah Quốc hội Việt Nam n’hanh Nghị viện Nhật Bản năm bah năp mô rlu hun hao, rgop khlay an nău hun hao dăng, ngăn ngên tâm boh đah 2 dak.