Kêng măng (12/11), kruanh N’gâng kan Tuch tăm mât rong n’hanh Hun hao ƀon lan n’gor Lâm Đồng an gĭt, lĕ geh 330 rnăk tâm ban ŭch trong trok khuch khat nău ndrôk dak toh geh srê n’hanh khĭt yor chuh vaccine môr pŭn ntô Navet-LpVac bah Công ty Navetco. N’gor Lâm Đồng mĭn năl 350 rnăk geh ndrôk dak toh geh srê n’hanh khĭt jêh chuh vaccine môr pŭn ntô Navet-LpVac bah Công ty Navetco.

Jêh âk rơh tâm nchră, tât aƀaơ lĕ geh 330 rnăk, đah 7.186 mlâm ndrôk srê n’hanh 511 mlâm ndrôk khĭt tâm ban ŭch dơn prăk trok khuch khat bah Công ty Navetco đah dĭng lĕ rlău 35 rmen 500 rkeh prăk. Aƀaơ Công ty Navetco lĕ trok rnoh prăk rơh 1 bơi 18 rmen prăk, rnoh prăk trok rơh 2 mbra jêh bah năp lơ 28/11 tât. Tĭng wa Nguyễn Hà Lộc, Groi giám đốc N’gâng kan Tuch tăm mât rong n’hanh Hun hao ƀon lan n’gor Lâm Đồng, aƀaơ hôm 20 rnăk mô hŏ tâm ban ŭch đah trong trok khuch khat. N’gor mbra đă tay Công ty Navetco ƀư tâm nchră, ndơ̆ trong trok tâm di gay đăp mpăn nău geh an nuĭh mât rong.