Đại hội đại biểu ăp rnoi mpôl đêt n’gor Gia Lai rơh tqal 4 năm 2024 mhe ƀư ta nkual ƀon têh Pleiku, uănh lah săk rnglăy trong kan rnoi nuĭh ta n’gor Gia Lai; nkre rnê rhơn, ntô̆ n’hao ăp nău rgop têh bah ƀon lan rnoi mpôl đêt ta ntŭk. Ntoh ngơi ta Đại hội, wa Đỗ Văn Chiến-Kruanh Ủy ban Trung ương Mặt trận Tổ quốc Việt Nam-djôt dơn n’hanh rnê ăp săk rnglăy ma Đảng bộ, n’gâng kan n’hanh nuĭh ƀon lan ăp rnoi nuĭh n’gor Gia Lai lĕ dơi geh.

Wa sŏng dăng nkoch kloh ăp nău hôm e, mô hŏ dơi ƀư tâm bôk nău kan rƀŏng tĭng lam dak hun hao wăng sa rêh jêng nkual rnoi mpôl đêt n’hanh nkual yôk ta n’gor. Nkre, đă n’gor Gia Lai uănh tât n’hao prêh nău rêh drăp ndơ, nuih n’hâm bah ƀon lan; mât uĕh tay nău khlay nuĭh dơi nsing nơm tâm ntŭk gŭ rêh ƀư n’gâng tơm nkoch trêng, rgŏ jă kônh wa ăp rnoi nuĭh rgop ndâk njêng ƀon lan ƀư tơm nâp nâl; mô rlu nâp nâl, n’hao tâm rnglăp lam rnoi nuĭh; n’hao mât ndrăy, ƀư uĕh văn hóa rnoi nuĭh.