Ôi 10/11, Thủ tướng Phạm Minh Chính ƀư tơm rơh rƀŭn bôk năp bah Ban ntĭm rđău Trung ương mbơh ƀư jŭt jăng ngih rông mpông sat ta lam dak (Ban ntĭm rđău). Tât aƀaơ lam dak hôm nklăp rlău 315 rbăn rnăk geh jêr jŏt mpeh jay gŭ an dơi ntop kơl gay rgâl jay gŭ đăp mpăn, đăp mpăn "gŭ âm, pah kan jan sa”, rgop ƀư tĭng nău kơl an đah nuĭh geh soan.

Lôch jêh nău rƀŏng n’hŭch ach o nâp nâl, đăp mpăn nău rêh jêng. Ntoh ngơi ntĭm rđău rơh rƀŭn, Thủ tướng chính phủ Phạm Minh Chính đă ăp nuĭh Ban ntĭm rđău tâm rgâl, tâm nchră, tâm nkoch đah nuih n’hâm sŏng dăng, lĕ đah nău kan, rgum tâm du đêt nkô̆ nău khlay mĭn kloh nău rƀŏng, nău mĭn êng nơm, nchrŏng trong ntĭm rđău gay ƀư dŭt n’hâm, săk rnglăy bôk nău kan, đăp mpăn lôch jêh tâm năm 2025. Rblang, mĭn lah nê̆ ăp jêr jŏt, wăk kol n’hanh trong mkra n’hanh nău kan, trong mkra khlay, trong nchrăp, trong ƀư tĭng gay lôch jêh nău rƀŏng tâm năm 2025.