Rnôk aơ, lam n’gor geh rlau 2000 ngih ƀư jêh. Du đê̆ nkuăl kơt nkuăl têh An Khê ndrel nkuăl ƀon têh Pleiku hŏ ƀư jêh nau kan. Đah rnoh kơl an 60 rkeh/ngih ndâk mhe ndrel 30 rkeh ân ru rnăk nkra nâp, ăp nkuăl hŏ ngăch rgum nŭih tâm ntŭk, ƀư ueh nau kan nchrăp lor bah ƀon lan. N’gâng kan rđau tahen n’gor Gia Lai ndrel ăp rmôt tahen tâm nkuăl rgop bơi tât 4000 nar kan, kơl an nchuăn leo ndơ dŏng, ndâk ngih ndrel uănh nau ndâk nkra. Yơn lah, n’gor Gia Lai hôm mâp nau jêr yor rnoh ndơ nkra ngih hao khlay, mô geh âk nŭih kan ndrel nau sŏk prăk ƀư nau kan đor lor bah ƀon lan mô âk. UBND n’gor đă ăp nkuăl n’hao nau mêt uănh, rđau ƀư ndrel ngăch ndăn ăp nau kan gay ƀư jêh tâm di nau ngăch./.