Wa Huỳnh Đảm, Kruanh ơm Ủy ban Trung ương MTTQ Việt Nam nkah ngăn lah rnôk nau geh dơi ngăn tâm năm 1975, ntơm bah nau rđau kan bah Đảng, bah Wa Hồ, ntơm bah nau dăng bah tahen ƀon lan Việt Nam janh dăng, ntơm bah nau tâm rnglăp lam rnoi mpôl. Rnôk nê, lĕ rnoi mpôl tâm rnglăp, Bắc-Nam tâm rnglăp, lah ntŭk tâm lơh kuăl ri tâm ƀon lan ơh kơl, lah tâm ƀon lan kuăl ri ntŭk tâm lơh mra pă nau hâr duh. Yor nau nê ma jêng du n’hâm dăng ngăn bah rnoi mpôl ndrel kloh ngăn lah tă bah n’hâm dăng bah nau tâm rnglăp tahen, ƀon lan. Tĭng wa Huỳnh Đảm, nuih n’hâm tâm rnglăp aơ hŏ geh kơl mbơh kloh ngăn, dŭt dăng dơi tâm rnôk tâm lơh moh Hồ Chí Minh:

‘Rnôk ăp bonh đoàn tơm “leo ntrong ngăch” leo hăn tahen, in ăp ntŭk tơm khay bah Sài Gòn-Gia Định ri tâm rnôk nê ƀon lan tâm Sài Gòn-Gia Định kŏ ntơm ndâk lơh gay ma nsĭt ăp nau têh, ƀon lan ntŭk jêrr, ndâk nsĭt ăp nkuăl. Cờ nkao nau nchih mô êng lah nau rhơn vơt ăp rmôt tahen geh nau dơi plơ̆ sĭt ma hôm mât nau đăp mpăn, mât ăp nau dơi bah cách mạng tâm nrôk ăp mông nar dăch dŭt ma nơm hŏ nsĭt dơi”.

Trung tướng, Groi Giáo sư - Tiến sỹ Trần Vi Dân, Kruanh n’gâng kan Khoa học, ƀư nau kan ndrel nau ơm bah Công an, n’gâng kan Công an mbơh, nau kan ndâk njêng ndrel mât nuih n’hâm ƀon lan, ndâk nau dăng bah nŭih n’hâm ƀon lan geh Đảng nơm kơl an. Đảng nơm hŏ rđau gay ndâk, bun dăp nuih n’hâm tâm lơh lam ƀon lan đah nau mĭn “mô geh nau khlay lơn nau đăp mpăn, dah rŏng”. Nuih n’hâm ndrel nau ŭch nê tâm nuih n’hâm ƀon lan, jêng n’hâm dăng tâm nau mĭn, njêng nau dăng rgum nsum gay geh nau dơi lơh rai nau dăng janh bah phung rlăng in pit.

Tâm nau ƀư ân nâp nuih n’hâm bah ƀon kan, rgum geh nuih n’hâm ƀon lan, Đảng nơm hŏ mât chăm ndâk njêng nuin n’hâm ƀon lan, tâm nê geh nau kan khlay ngăn ngên bah rmôt tahen ƀon lan ndrel gŭ miền Nam lah bah tahen kơl rklaih nau đăp mpăn ndrel rmôt mât đăp mpăn miềng Nam, Trung tướng Trần Vi Dân lah rjăp, nau gĭt dơi mpeh nau “mât nâp nuih n’hâm ƀon lan ndrel ndâk njêng nuih n’hâm ƀon lan hôm ơm nau khlay” tâm rnôk cách mạng rnôk aơ:

‘Phung hên saơ nau ntĭm nti geh dơi mpeh nau mât nâp nuih n’hâm ƀon lan ndrel ndâk njêng nuih n’hâm ƀon lan hôm ơm nau khlay. Ndrel păng lŏ pơk luh ân nơm ăp nau kan geh ndơ̆ luh tâm nau kan bonh đă, mbơh nkoch gay ma ƀon lan tâm ban nuih n’hâm gay ƀon lan tâm ban, tâm rnơm ndrel nau ntrŭnh, ntrong kan bah Đảng, nau ntrŭnh pháp luật bah Ngih dak. Ndrel ƀư nau rgum, rƀŏng nau rđau đă, ndrel geh ăp ntrong kan ân tâm di gay ma ndâk nâp nuih n’hâm gay nơm dơi ndâk njêng, mât neh dak tâm rach năm mhe, rach năm geh nau hun hao njêng săk bah rnoi mpôl Việt Nam”.

Thượng tướng Trịnh Văn Quyết, Bí thư Trung ương Đảng, Ủy viên Rnâng kan Quân ủy Trung ương, Kruanh n’gâng kan Chính trị tahen ƀon lan Việt Nam, tâm nau ntoh mbơh nau rgum nsum tâm rơh tâm nchră “Nau dơi bah rnôk tâm lơh năm 1975” đah rach năm hun hao mhe bah rnoi mpôl Việt Nam, geh ƀư tâm ôi 19/4 mhe rlau lah rjăp, nau dơi bah rơh rdôl lơh ndrel ndâk lơh năm 1975 lah ngoai tâm ăp nau nkoch ueh ang ngăn ndrel dăng ngăn tâm nau tă geh ndâk dak ndrel mât neh dak bah rnoi mpôl Việt Nam. Nê lah nau dơi bah nau dăng janh ndrel nuih n’hâm Việt Nam, lah nau tâm rngop ngăn geh nau dơi bah nau nau vay rŏng neh dak ndrel nau đăp mpăn, ntŭk rgum bah n’hâm dăng tâm rnglăp lam rnoi mpôl đah n’hâm dăng bah rnôk nê ndrel nau tâm rnglăp lam ntur neh. Gay ma tâm lơh, pơk trong ân nau rŭng răng bah phung chủ nghĩa thực dân mhe tâm lam ntur neh. Thượng tướng Trịnh Văn Quyết lah rjăp:

‘Ƀư tĭng nau kuăl jă bah Đảng ndrel Kruanh Hồ Chí Minh, dĭng lĕ rnoi mpôl Việt Nam njêng du rmôt nâp dăng, tâm ban mpeh nau mĭn, nau nsôih ndrel nau kan; tâm rnglăp tâm Đảng, tâm rnglăp lam ƀon lan, lam tahen, tâm rnglăp Bắc-Nam, tâm rnglăp rmôt ŭch rŏng neh dak ndrel nau mhe, tâm rnglăp lam ntur neh…Rnơm nê, lam Đảng, lam tahen ndrel ƀon lan nơm tâm bar mpeh Nam-Bắc hŏ ăp nhoat rlet nau jêr mra tâm lơh ndrel khĭt săk, lơh dĭng lĕ ăp nau mĭn, nau ƀư bah phung rlăng Mỹ ndrel n’gâng kan phung mbơh tĭng”.

Nau dơi dăng geh rkaih đăp mpăn năm 1975 mro jêng lah du n’gâng ang ngăn tâm nau lơh gay ndâk ndrel mât neh dâk neh dak bah rnoi mpôl Việt Nam lah nsum, nau dăng dơi bah nau tâm lơh cách mạng Việt Nam lah êng. Ăp nau khlay, ăp nau tă geh dơi bah nau tâm lơh cách mạng Việt Nam lah êng. Ăp nau khlay, ăp nau tă dơi bah nau geh rklaih đăp măpn năm 1975 hŏ, dôl ndrel mra mro geh ăp kơn ba kơi kơt tĭng, ƀư nau dơi geh nâp nâl gay lĕ rnoi mpôl lăp tâm rach năm mhe./.