Lơ 21/10, Uỷ ban MTTQ Việt Nam n’gor Gia Lai ƀư rƀŭn rnê Kruanh Uỷ ban MTTQ gưl xã ndrel Kruanh ban Nau kan Mặt trận ntoh lư bah n’gor lvang năm 2017-2022. Gia Lai rnôk aơ geh 220 Kruanh Uỷ ban MTTQ Việt Nam gưl xã ndrel 1576 Kruanh ban nau kan Mặt trận. Ƀư ueh nau kan, nau dơi đah nsum mpôl, 5 năm rlau aơ, ăp cán bộ Mặt trận hŏ mro nsôih tâm rgop nsum ma ăp ntŭk kan tâm dâng gay ma nkoch trêng, bonh đă ƀon lan râng rgop, kơl an, bonh đă.

Rgop gay ma ndâk ngih gŭ, kơl an nau kan ân rnăk ach o, pă neh nkra trong ndâk njêng ƀon lan mhe, nkoch mbơh bonh đă ƀon lan rnoi mpôl đê̆ rgâl nau mĭn nau kan gay ma rklaih ach o nâp nâl. Âk cán bộ geh ăp nau kan ueh, nau kan blau mhe, săk tam tâm nau nkoch trêng, bonh đă, rgum ăp gưl kan ƀon lan ƀư ueh n’hâm dăng tâm rnglăp rnoi mpôl. Rnôk aơ, UBND n’gor Gia Lai ndrel Uỷ ban MTTQ Việt Nam n’gor Gia Lai pă bằng khen ân 92 nŭih geh nau dơi blau kan./.

VOV/Nŭih rblang: H’Thi