Kêng măng 17/11, Uỷ viên Bộ chính trị, Kruanh Ban Tổ chức Trung ương Trương Thị Mai râng Nar tâm rnglăp lam rnoi nuĭh ta Gia Lai. Nar rgum tâm rnglăp dơi ƀư ta ƀon Wâu, xã Chư Á, nkual ƀon têh Pleiku. Lah ta nar rgum, wa Trương Thị Mai mbah rhơn ăp nău dơi ma ƀon Wâu, xã Chư Á hŏ nsrôih tâm bah ri aơ.

Ƀon Wâu hŏ dơi tât rnoh rdâk njêng ƀon lan mhe n'hanh dôl nsrôih gay jêng thôn ƀon mhe ntĭt leo lor. Aƀaơ rĭng geh tĭng bôk nuĭh tâm ƀon geh 44 rkeh prăk/nuĭh/năm. Kruanh Ban Tổ chức Trung ương Trương Thị Mai nchŏng kloh: Hun hao Tây Nguyên lah trong nchrăp têh bah Đảng, Ngih dak n'hanh lah nău kan rgum tơm, geh ƀư mbro n'hanh geh nkô̆ dŭt khlay đah nău hun hao bah ăp n'gor tâm nkual gay nsrôih tât năm 2030 Tây Nguyên mbra lah nkual hun hao ngăch, săk geh âk văn hóa rnoi nuĭh. Nkhêp rnôk dja Ban Tổ chức Trung ương Trương Thị Mai hŏ pă an 5 jay ăch chrach geh ăp tŏng ndơ dŏng, 60 nklâm ndơ, học bổng an ăp rnăk, kon se  geh nău rêh jêr jŏt.

VOV/Nuĭh rblang: Điểu Thân