Lôch jêh ntŭk mât prăp samƀŭt mpeh tahen khĭt kăl e, môch tahen, nghĩa trang liệt sĩ n’hanh samƀŭt rhăch tahen khĭt kăl e
Thứ sáu, 15:15, 14/08/2026
VOV/Nuĭh rblang: Y Sưng Phê Ja
VOV/Nuĭh rblang: Y Sưng Phê Ja
VOV.M’nông – Kêng măng 13/8, ƀư tơm nar pah kan đah ăp n’gâng kan, nău kan mpeh du đêt nău kan khlay bah Ban Ntĭm rđău ngih dak joi, rgum, năl săk nting tahen khĭt kăl e (Ban ntĭm rđău 515), Groi Thủ tướng Phạm Thị Thanh Trà đă ndăn ndâk njêng, ƀư âk ntŭk mât prăp samƀŭt mpeh tahen khĭt kăl e, môch tahen n’hanh Nghĩa trang liệt sĩ, geh n’gâng tơm rhŏ an săk rnglăy lơn trong kan joi, rgum n’hanh năl săk tahen khĭt kăl e.
Tĭng nău mbơh ƀư tĭng “Nău kan 500 nar măng ntrôl dăng ƀư tĭng joi, rgum n’hanh năl săk tahen khĭt kăl e”, tât aƀaơ, lĕ joi, rgum geh 1.715 nting tahen, geh rlău 24%; lĕ ƀư sŏk nting mham ta 124,762 môch tahen, geh 58%.
Lah rjăp, trong kan joi, rgum n’hanh năl săk nting tahen lah nău đă bah play nuih n’hanh lĕ đah nău kan chính trị, Groi Thủ tướng Phạm Thị Thanh Tra jao an Văn phòng Ban Ntĭm rđău 515 tâm rgop đah ăp ntŭk, nsrôih jêh 139 nklâm samƀŭt rhăch nău tahen khĭt kăl e tâm năm aơ; ndâk njêng trong mkra samƀŭt rhăch nău môch tahen khĭt kăl e n’hanh môch tâp nsum tĭng trong kloh na nê̆ nuĭh, kloh nău kan, kloh mông nar n’hanh ndơ ƀư luh.
Viết bình luận