Ta rơh tâm mâp, ƀon lan xã Đạ Nhim, nkuăl Lạc Dương, n’gor Lâm Đồng dăn đă tât mpôl Đại biểu Quốc hội n’gor Lâm Đồng du đê̆ nău ma nkuăl, n’gor, n’hanh Trung ương an geh ơm mât uănh, doh rklaih.

Tâm nĕ, geh nău trong Quốc lộ 27 lĕ mô hôm ueh, way geh kŏ khan yor rluh rlâm, âk ntŭk nque dŭt jêr njrăng n’hanh mô đăp mpăn trong hăn, ngăch ndăn uănh nđôi, pă sƀ kơp dơn nău dŏng neh an nuĭh ƀon lan, nău kơl kan bâh cán bộ mô way kan ta xã hôm nha dŭt đê̆. Ndơn kan an mpôl đại biểu Lâm Đồng, wa Phan Đình Trạc, kruanh rnâng kan Nội chính Trung ương kơp dơn ăp nău tâm rgop dăn đă bâh ƀon lan n’hanh mbra rgum, geh mbơh tơih ndơ̆ an Quốc hội ta ăp rơh rƀŭn nchră tât tay. Tâm nĕ, lah na nê̆, nău đă ntuh kơl pơk hvi, n’hao trong Quốc lộ 27C lah nău dăn đă dŭt khlăy bâh ƀon lan n’hanh tâm di đah trong mpŏng hun hao nkual Tây Nguyên bâh n’gâng kan chính trị.

Di rơh aơ, ndơn kan Ban nội chính Trung ương, wa Phan Đình Trạc lĕ pă an 20 nklâm ndơ an ăp rnăk jêr jŏt, rnăk dơi kơl ta xã Đạ Nhim, hăn khâl ntŭk ka uănh nđôi n’hanh mbơh nău nău gĭt mhe bâh nkuăl Lạc Dương.