VOV4.M’nông – Nar 5/10, tâm nău ntoh ngơi ntơm rƀŭn nchră rơh tal 4 Ban Chấp hành Trung ương Đảng khóa 13, Tổng Bí thư Nguyễn Phú Trọng lĕ nkoch du đêt nău wăng sa-rêh jêng năm 2021-2022. Tă bah nĕ an saơ, nău mbơh dŭt khlay bah Đảng n’hanh Ngih dak lah geh nău rƀŏng đăp mpăn bah năp srê Covid-19; đăp mpăn nău rêh, săk soan bah nuĭh ƀon lan; tâm ban đah nĕ ndơ̆ trong mkra gay ndâk hao n’hanh hun hao wăng sa tâm ăp khay bah kơi tâm năm n’hanh nchrăp trong an năm 2022 tât.

Rƀŭn nchră rơh tal 4 Ban chấp hành Trung ương Đảng khóa 13 dôl bư ta Thủ đô Hà Nội

Đah nău ƀĭt joet dŭt n’hâm, rlăp njrăng, ndơ̆ âk trong mkra di đah tĭng rnôk bah Đảng, Ngih dak, Chính phủ, nu nău wăng sa-rêh jêng 9 khay bah năp lĕ geh du đêt săk rnglăy uĕh. Kơp nsum 9 khay, nău ƀư nkra njêng, tăch rgâl hôm e dơi mât. Du đêt ntŭk lư bah jâng wăng sa hao jêng an manh geh 7,17%, ntop kơl uĕh an hao jêng wăng sa 9 khay năm 2021. Dĭng lĕ rnoh rgŏ jă prăk ta ntŭk chứng khoán an jâng wăng sa hao 12%.

Nŭih rblang: Y Sưng Phê Ja