Nar 8/3, ta 20 ntŭk nklăch phiếu lam ăp gôl dak mpeh Đặc khu Trường Sa, n’gor Khánh Hòa hŏ ƀư rơh bầu cử đại biểu Quốc hội khóa XVI n’hanh đại biểu Hội đồng nhân dân ăp gưl năm kan 2026 - 2031, ơm lơn du pơh rđĭl đah nar bầu cử nsum bah lam dak.

Ntơm bah ơm ôi, nuih n’hâm nar bầu cử hŏ n’gôr gră ta ăp gôl dak; lha cờ, bok drăng, nău nchih yông dơi lir huêng khlay ta ăp ntŭk nklăch phiếu. Cử tri lah cán bộ, tahen n’hanh nuĭh ƀon lan ta gôl dak nsoh uĕh bok ao way ăp nar, ndjôt nkre thẻ cử tri tât ƀư nău dơi n’hanh nău way ƀon lan. Di 7h ôi, ăp ntŭk nklăch phiếu du rơh ntơm pơk. Tâm mông nar huêng khlay nklang dak lêng ngai ngât, cử tri uănh năl na nê̆ săk nuĭh tâm rlong lor rnôk ti nơm nklăch phiếu êng tâm thŭng phiếu. Tât 11h 30 nŭng nar, pah kan bầu cử ta 20 ntŭk nklăch phiếu hŏ lôch jêh di tĭng nău way; ăp rmôt bầu cử ƀư kơp phiếu, lĭr nkrêp n’hanh njuăl phiếu sơch sĭt neh kơh jao an Ủy ban bầu cử Đặc khu Trường Sa.