Lơ 25/9, n’gor Gia Lai ƀư Đại hội tâm rlong rŏng dak rơh bôk năp, lvang 2025-2030, đah tât râng bah 600 đại biểu ntoh lư ta ăp ntil nău. 5 năm bah năp, ntrong leo rŏng dak ta Gia Lai lĕ geh âk săk rnglăy uĕh: hao jêng wăng sa rĭng geh bơi 7%/năm; Mât njrăng bri dak-rnă njrăng dơi mât nâp, ntŭk ntô ntuh kơl, tăch rgâl uĕh tay. Ta Đại hội, ăp ntoh lư mhe lĕ nkoch nău blău ơm, trong mkra mĭn njêng, tâm nĕ ntoh lư kơt:

Tahen n’har bri n’gor đah bôk nău “ndơ̆ oh tât ngih samƀŭt, kơl rnăk ach o ta nkual n’har bri”; mĭn ƀư mhe kơt dŏng kỹ thuật mhe tâm but uănh săm ji ta Ngih dak si Mắt Gia Lai; nău nkoch bah yuh H’Uyên Niê (xă Ia Ly) đah ntrong ƀư pâl nđaih ntŭk gŭ rêh hăn ndrel mât nău kan cheh tanh, nta joi nău rêh an ƀon lan rnoi mpôl đêt...Tâm lvang 2025-2030, ntrong ƀư tâm rlong rŏng dak bah n’gor Gia Lai mbra rgum tâm 4 rmôt nău kan khlay. Nĕ lah, ndâk njêng tay Đảng n’hanh trong chính trị đêt dơh tŏng ăp, nău kan săk rnglăy; ntrôl dăng hun hao wăng sa kloh uĕh, lŏ mir công nghệ mhe, công nghiệp nkret njêng n’hanh ŭnh nar nkra njêng; hun hao văn hóa-rêh jêng, n’hao nău rêh Nuĭh ƀon lan; nkre mât nâp bri dak-rnă njrăng pơk hvi kan ndrel đah bah dih, lơn lah đah ăp n’gor Nam Lào n’hanh Đông Bắc Campuchia.