Ƀư tĭng nău kan “ăp rpưh kơl an du rnăk ach o”, bâh năm 2023 tât aƀaơ, tahen n’har bri Gia Lai lĕ kơl an 750 rnăk ach o, rnăk dăch ach o n’hanh rnăk dơi kơl, rgŏ jă rlău 810 rkeh prăk, 1,7 tấn phe, 47 ntil ndơ tâm nău rêh jêng ndrel đah bơi tât 3 rbăn nar kan kơl an ƀon lan nkra mhe ngih jay. Năm 2024, nău kan geh Ban tuyên giáo Trung ương rnê lah ngoăy tâm 7 nău kan Rgŏ jă ƀon lan blău ntoh lư ta lam dak. Đại tá Khuất Bá Cao, Bí thư Đảng ủy, Groi Tư lệnh Binh đoàn 15, an gĭt, đah trong kan “Kơl an nău rêh jêng, mpong ang nău knơm”, êng năm 2024, Binh đoàn lĕ ƀư lôch 23 nău kan đah bơi tât 45km trong điện, 1.500 jrŏng điện, lĕ rnoh prăk ƀư 4 rmen, năm 2025 nchrăp ƀư tay 13 nău kan, đah rnoh khlăy rlău 3 rmen prăk.