Nar 4/8, ta Hà Nội, Tổng Bí thư Tô Lâm tât râng n’hanh lah ta rơh mâp măt ăp nuĭh ntoh lư tâm lam mpôl Công an ƀon lan râng Đại hội Tâm rlong “Yor rnă njrăng neh dak” tâl IX. Tổng Bí thư mpơl nău rngot rhơn, nchih nkah n’hanh tâm pă đah ăp nuĭh n’groh an, sôt rmanh tâm rnôk hăn pah kan; ăp cán bộ, tahen krêp dêh du bông nău rêh đah pah kan rlăch ndăng rdâng lơh nuĭh tih, ma túy đah âk klach rvê; ăp cán bộ, tahen râng êng, chŏl êng trong hăn pah kan ta ăp xã n’har bri, nkual jru, nkual ngai; ăp tahen mô kă rnam ŭnh  sa, dak bŭk gay kơl nuĭh, kơl drăp ndơ; ăp nuĭh nkêh êng du ding nău kan êng nơm gay hăn kan, mât njrăng nău rêh đăp mpăn an ƀon lan;...

Tổng Bí thư Tô Lâm đă an ƀư tay geh nău tam trong leo lam ƀon lan mât rnă njrăng neh dak; mpư rnê, pơk hvi, ntik n’hao nuĭh ntoh lư, ntĭt leo lor “nuĭh uĕh, kan uĕh" rdâk tay nău n’hao êng săk, ntik n’hao nău way ơm dăng janh cách mạng, njêng suan ntrŭt ntrôl cán bộ, tahen mô rlu tiăr nti, mbrôn suan tâm rlong, nsrôih tĭng ƀư geh nău dơi nău dơn kan mât rnă njrăng, rdâk njêng mpôl Công an ƀon lan kloh uĕh, nâp dăng, đăng hăr, ngăch prăl, têh blău mhe, rgop rdâk njêng n’hanh mât njrăng neh dak tâm nô nău mhe. Nkhêp geh rnôk dja, Tổng Bí thư Tô Lâm n’hanh Bộ trưởng Bộ Công an Lương Tam Quang hŏ an nklâm ndơ̆ nuĭh ntoh lư tâm mpôl Công an ƀon lan n’hanh nuĭh ntoh lư bah mpôl rnă njrăng đăp mpăn tâm dâng.