Mpôl kan uănh nđôi mbrô 25 bâh n’gâng kan Chính trị, Ban Bí thư yor Uỷ viên Bộ chính trị, Bí thư Trung ương Đảng, Kruanh Uỷ ban Kiểm tra Trung ương Trần Sỹ Thanh ƀư tơm mhe geh rơh pah kan đah Rnâng kan thường vụ n’gor Uỷ Khánh Hoà mpeh nău mbơh tơih ăp nghị quyết, nău ntrŭnh bâh Trung ương. Nkô̆ nău uănh nđôi geh rgum ta nău leo kan mĭn uănh, kơt nti, mât uănh n’hanh mbơh tơih Nghị quyết Đaị hôị14 bâh Đảng, rdâk njêng bôk nău pah kan bâh n’gor, nkre lah uănh nđôi nău nchrăp săch đại biểu Quốc hội khoá 16 n’hanh HĐND ăp gưl năm kan 2026-2031. Ntoh ngơi ta rơh pah kan, Kruanh Uỷ ban Kiểm tra Trung ương Trần Sỹ Thanh lah na nê̆ nău mbơh ƀư Nghị quyết Đại hội Đảng bộ n’gor Khánh Hoà an geh mât nâp ueh đah Nghị quyết Đại hội 14 bâh Đảng, mât đăp mpăn dơn ngoăy bâh nău ntrŭnh tât nău pah kan. N’gor an geh leo kan, min kan tâm nău leo ƀư, rdâk njêng ăp nău kan, ntrong kan săk rnglăy gay ma Trung ương rgum, pơk hvi nău kan.

Mpôl uănh nđôi, groi uănh rnoh 21 bah Bộ chính trị, Ban Bí thư yor ủy viên Bộ Chính trị, Kruanh N’gâng kan tâm rnglăp nchră nău Lê Hoài Trung ƀư Kruanh rmôt kan mhe mbơh nău ntrŭnh uănh nđôi, groi uănh năm 2026 đah Ban Thường vụ N’gor ủy Gia Lai. Nkô̆ nău uănh nđôi rgum tâm nău ƀư ăp nghị quyết, nău ntĭnh bah Trung ương, lơn lah ăp nău ƀư tĭng Nghị quyết Đại hội 14 bah Đảng n’hanh trong kan nchrăp săch đại biểu Quốc hội khóa 16, HĐND ăp gưl năm kan 2026-2031. Ntoh ngơi ta rƀŭn nchră, Kruanh N’gâng kan tâm rnglăp nchră nău Lê Hoài Trung lah rjăp uănh nđôi gay đăp mpăn ăp ntrŭnh bah Trung ương dơi ƀư rjăp, rĭng n’hanh di nău ntĭm. Tâm rnôk ăp gưl ủy dôl rgum ƀư nău kan hun hao wăng sa-rêh jêng n’hanhg nchrăp an săch, nău kan aơ lơ geh nău mhe, ngăch khlay.