Ƀư tĭng nău ntrŭnh bâh n’gâng kan Chính trị mpeh rdâk njêng ăp ngih nti an ăp xã n’har bri, tâm năm aơ, Đăk Lăk mbra geh njêng ƀư 3 nău kan ƀư ngih nti phổ thông nội trú 2 gưl đah lĕ rnoh prăk ntuh kơl rlău 390 rmen prăk. Ăp ngih nti aơ geh ƀư ta 3 xã n’har bri Ia Lốp, Ia Rvê n’hanh Buôn Đôn n’hanh geh ntơm ƀư tâm ndrĭh ta lơ 2/11 tay.

Bí thư n’gor Ủy Lương Nguyễn Minh Triết an lah, Ia Lôp lah ngoăy tâm 7 xã mô geh nglăp nsum bâh n’gor, geh êng trong n’har bri jêng lah dơh đŏng, yơn geh âk nău ntul rlong jêr yor lah ntŭk hvi, ƀon lan mô âk, rnoh ach o âk n’hanh dăch ach o hôm nha âk đŏng. Bí thư n’gor Ủy đă ta ntŭk an geh gĭt tay na nê̆ nău dơi, ndâk nsơm nău mô dơi, rgâl mhe nău mĭn gay ma hun hao nâp nâl tâm  rơh mhe.