Kêng măng 22/10, wa Lương Nguyễn Minh Triết, Bí thư Tỉnh ủy Dak Lak hŏ hăn ôp uănh nău  kan bah Ntŭk rgum rhŏ dŏng ƀư siƀŭt xã Hòa Phú n’hanh phường Ea Kao.

Ta xã Hòa Phú, Ntŭk rgum rhŏ dŏng ƀư siƀŭt, mplơ̆ siƀŭt lôch jêh ƀư di nar ton geh rlău 99%, dơn hôm 28 siƀŭt mbrơi nkai mô di nar ton mpeh trong kan neh ntu. Trong leo ƀư “Rmôt tât kơl ngăch” n’hanh “Thôn keh mbrô – dơh ngăch, kloh rvah” dơi an ƀư kơl nuĭh ƀon lan nkual jru nkual ngai tât dơh ngăch lơn đah nău ƀư siƀŭt sitra.

Ta phường Ea Kao, Ntŭk rgum ƀư siƀŭt tâm pă 10 cán bộ, rvăt năp ăp tŏng ndơ dŏng công nghệ, hŏ nkra ƀư rlău 2.500 siƀŭt, rnoh âk di nar ton geh 99,7%. Phường dôl rlong dŏng trí tuệ nhân tạo ntop kơl nuĭh ƀon lan nôp hồ sơ n’hanh pơk uănh nău lư ma mã QR, nkre buăt nthoi đah ăp ndơ rhŏ dŏng kan ta ntŭk pơk “Dak Lak mbrô”.

Lôch hăn ôp uănh, wa Lương Nguyễn Minh Triết, Bí thư Tỉnh ủy Dak Lak dăn đă 2 ntŭk ra uănh tay, di rêng, ntuh kơl ăp kôp ndơ dŏng công nghệ, ntĭm nti cán bộ way rnâng kan gay ăp ntŭk rgum ƀư siƀŭt kan geh nău tam, ngăn ngăn lơn, rgop rdâk njêng n’gâng kan mbrô tâm dâng.