Nar 4/8, Đảng bộ Binh đoàn 15 (Bộ Quốc phòng) ƀư Đại hội Đại biểu tâl XV, năm kan 2025–2030. Nău mbơh chính trị đại hội an gĭt, năm kan 2020–2025, Đảng bộ Binh đoàn 15 hŏ ntik n’hao nuih n’hâm nchrăp lor, blău ƀư mhe, rlău âk jêr jŏt, ntul rlong gay wat jêh lam lĕ rngôch ăp nău dơn kan chính trị dơi jao. Pah kan tiăr nti, rdâk njêng trong nchrăp rdâng lơh dơi an ƀư lhăt, nkre đah ntŭk nsing ndăl nâp n’har bri ta ntŭk geh nău khlay ta Tây Nguyên.

Lah rđău đă ta Đại hội, Thượng tướng Huỳnh Chiến Thắng –Groi Tổng Tham mưu trưởng Tahen ƀon lan Việt Nam rnê âk ăp nău dơi geh bah Binh đoàn hŏ dơi geh tâm năm kan rlău aơ n’hanh đă Đảng bộ mât nâp tay nău khlay lah mpôl tahen n’gâng tơm tâm nău njrăng n’gang neh dak – wăng sa ta ntŭk bri neh khlay Tây Nguyên. Năm kan 2025–2030, Binh đoàn 15 ntrŏng n’hao geh nău dơi âk tay tuch tăm – tăch rgâl; n’hao geh nău rêh nuĭh kan; mât lhăt nău jăp tĭng, ngăch prăl; nkre rgâl mhe, n’hao nău dơi rđău kan, suan rlăch ndăng bah mpôl kan Đảng nkre đah rdâk njêng đơn vị “Leo lor, ntoh lư”.